Haukdalen
Kitty Wentzel
Gustav Wentzel
Eva og Bjørn
24. riksdaler
Utleige av hytter
I Kitty Wentzels hage
Malekurs

Nils Gustav Wentzel
(Nils) Gustav Wentzel, 1859-1927, var fødd i Oslo og døyde i Lom. Han var elev ved Statens håndverks- og kunstindustriskole, av Knud Bergslien 1879-81 og Fritz Thaulow i 1883 og studerte ved Academie Julian i Paris 1884 og hos Roll og Bonnat 1888-89. Motiva fann Wentzel m. a. i Setesdal, Valdres, Hardanger, Telemark, Hallingdal, Vågå, Asker og til slutt i Lom. 

Maleria Gustav Wentzel vart kjendt for til å begynne med i 1880-åra  var Frokost 1, Frokost 2 (Morgenstemning) og Konfirmasjon. Desse vart innkjøpt av Nasjonalgalleriet. og  vart ofte brukt i undervisninga av  stundentar og andre. Detaljrikdomen vart der teke fram som viktig i hans kunst.

Gustav Wentzel var på studieturar til Nervi i Italia i 1901 og seinaere til Paris og Roma. Han reiste også ofte til Aurskog-Høland og vitja besteforeldra på Grepperud gård der han har henta mange motiv - m. a. Et møte som er innkjøpt av Drammens museum.  Gustav Wentzel er representert i mange galleri som  Bergen, Trondheim, Oslo, Elverum, Arendal, Lillehammer, Stavanger og til og med i Louvre i Paris.

Gustav var gift med Christiane Marie (Kitty) Bætzmann (1868-1961). Dei vart separert i 1910, men mot slutten av livet budde båe i Lia i Lom. To soner, Bjørn og Jørgen, budde også i Lom. Jørgen var bonde og maler, Bjørn ballettedansar. Flytta til Ottadalen på grunn av økonomien. Kitty Wentzel har gjeve sjarmerande skildringar av Gustav Wentzel og det spennande, men fattige kunstnarlivet i bøkene "Gustav Wentzel" (1956) og "Fra mitt livs karusell" (1960). Tildelt St. Olavs orden.

Gustav Wentzel vart fødd i Oslo i 1859. Han var elev av Bergslien og Thaulow og studerte ei tid i Paris. I sine måleri var Wentzel oppteken av ljoset og fargane og kontrastane mellom ute og inneljos og mellom ljos og skugge. Han var og ein god folkelivsskildrar. I 1919 fløtte han til sin son i Furuheim i Lia, der han sette seg opp eit atelie. Haukdalen har fleire måleri og skisser å vise fram av Gustav Wentzel, mellom anna ei rekkje aktteikningar og eit flott bilete han har måla av sin kone, Kitty. Gustav Wentzel budde fast i Lom i åtte år frå 1919 til han døde i 1927. Han var ofte å sjå ute på ski om vinteren med staffeli på ryggen og fargane i lomma for at dei ikkje skulle fryse. Han fekk på desse turane festa på lerretet snøstormar i vinterlandskap, vintervegar i januarsol, tømmerkjørarar i vinterskogen. Fleire stod modellar for han i Liagrenda. 

Gustav Wentzel var mykje på reisefot den tida han budde i Asker og var fleire gonger på vitjing i Nord-Gudbrandsdalen. Tidleg på 1900-talet var han fleire turar til Vågå der han budde både på Sandbu, Kvarberg og Sve. Han hadde med seg familien på desse turane og han nytta ofte høvet til å måle. I 1915 gifta den eldste sonen Jørgen seg med Magnhild Prestjordet frå Skjåk. Dei fløtte til det vesle bruket Høgbrenna i Lia der dei budde i 4 år . Gustav var ofte på besøk og likte seg svært godt. I 1919 kjøpte han Furuheim saman med sonene, der dei bygde seg hus med atelier i andre etasje med utsikt mot Lomseggen. Dette var eit ynda motiv for Wentzel. Yngstesonen Bjørn med si tyskfødde kone Eva Kønig kjøpte da Høgbrenna etter broren og busette seg der i 1920. Bjørn reiste på den tida mykje rundt i Europa som scenekunstnar og var samtidig journalist for Aftenposten og dei budde fast i Høgbrenna fram til 1953 da dei fløtte saman med Kitty ned i Haukdalen.

 

boktilnett.jpg (115553 bytes)

Bok om Gustav Wentzels liv
 2009 er det 150 år sidan Gustav Wentzel var fødd. I den samanheng blir det ei miniutstilling av Wentzels maleri i Furuheim og vandring frå Furuheim til Haukdalen den laurdag den 11. juli og fredag den 24. juli med frammøte i Furuheim kl. 11 båe dagane.  
I høve jubileet gjev vi ut boka Gustav Wentzel av Kitty Wentzel på nytt. Boka skreiv Kitty om mannen sin Gustav og hans kunstnarvenner og miljæ frå Christiania i slutten av 1880-åra og fram til han gjekk bort i Lom i 1927. Boka viser ei rekkje av arbeida til Gustav Wentzel - delvis i fargar.  Boka kan kjøpast  på bokahandelen i Lom eller den kan bestillast: Haukdalen, Aase Marstein, tlf. 61 21 27 46 aamarste@online.no  (direkte salg: kr. 400,- + frakt).

 

 

 

Vandring med omvisning
Det blir vandring Furuheim-haukdalen med omvisning laurdag 11. juli og fredag 24. juli med frammøte kl. 11.00 i Furuheim båe dagane. I tillegg vert det minneutstilling i det nyrestaurerte atelieet til Gustav Wentzel i Furuheim.


Sjølportrett av Gustav 
Wentzel 1925

Kitty var ein stor beundrar av Gustav Wentzel som medmenneske og kunstnar, og meinte at han vart uberettiga kritisert for sin kunst i dei seinare åra han levde. Ho skreiv m.a. i ei landsdekkande avis:  "Må jeg be om plass for nedenstående i deres ærede blad. Ærbødigst. Herr Jeppe Nielsen. Helt siden De begynte Deres geschæft som kritiker, har De ved hver given anlening overøst Guetav Wentzel med ondsindede og sakløse --Jeg kalder det med vilje ikke kritikk. Nu er han død, men De gir ikke opp . Endog i graven forfølger de ham med Deres angrep på hans kunst. Forhåpentlig blir det siste gang De får anledning til å boltre Dem i skjellsord mot denne vår store kunstners livsverk. For de er en meget gammel mann Hr. Nielsen! Men ett kan De vere forvisset om. Trods Deres dom, vil Gustav Wentzels navn leve og lyse i Kunstens verden, meget, meget lenge, efter at glemselens slør har bret seg over Deres navn og virke. De har vert for liten, herr. Nielsen. Kitty Wentsel."


 


Spinnersken