Haukdalen
Kitty Wentzel
Gustav Wentzel
24. riksdaler
Utleige av hytter
Bokutgjevingar
I Kitty Wentzels hage
Malekurs

Bordets glæder
Det er med Ærbødighet og respekt for forfattarane Øvre Richter Frich og Kitty Wentzel eg har gjeve ut boka Bordets Glæder på nytt. Dette er ikkje ei vanleg kokebok, men ei kulturhistorisk bok retta mot mat og mattradisjonar frå fleire europeiske land. Og oppskrifter som forfattarane har fått av vener i kunstardalen Asker. Forfatterane skreiv sjarmerande og godt, og det var viktig for dei  at maten var billig og god. Eg vonar boka blir til glede for lesarane. Ta på dei historiske brillene og nyt ei gourmet bok.
Aase Marstein Lom, 2004

Boka er i salg hjå bokhandlarane i Lom og Vågå eller den kan bestillast direkte frå meg. Det er førebels gjeve ut berre 100 eksemplar reprodusert etter Frich og Wentzel sin bok "Bordets Glæder, mat og vin til hverdag og fest" utgjeve av Steenske forlag i 1925. 185 sider. Pris Kr. 360,-. Haukdalen, Aase Marstein, tlf. 61 21 27 46  aamarste@online.no

Gustav Wentzel av Kitty Wentzell
I 2009 var det 150 år sidan Gustav Wentzel var fødd.  I høve jubileet har Haukdalen kunstnarheim gjeve ut boka Gustav Wentzel av Kitty Wentzel på nytt. Boka skreiv Kitty om mannen sin Gustav og hans kunstnarvenner og miljø frå Christiania i slutten av 1880-åra og fram til han gjekk bort i Lom i 1927. Boka viser ei rekkje av arbeida til Gustav Wentzel - delvis i fargar.  Boka kan kjøpast på bokahandelen i Lom eller den kan bestillast: Haukdalen, Aase Marstein, tlf. 61 21 27 46 aamarste@online.no  (direkte salg: kr. 400,- + frakt). 

(Nils) Gustav Wentzel, 1859-1927, var fødd i Oslo og døyde i Lom. Gustav Wentzel var mykje på reisefot den tida han budde i Asker og var fleire gonger på vitjing i Nord-Gudbrandsdalen. Tidleg på 1900-talet var han fleire turar til Vågå der han budde både på Sandbu, Kvarberg og Sve. Han hadde med seg familien på desse turane og han nytta ofte høvet til å måle. I 1915 gifta den eldste sonen Jørgen seg med Magnhild Prestjordet frå Skjåk. Dei fløtte til det vesle bruket Høgbrenna i Lia der dei budde i 4 år . Gustav var ofte på besøk og likte seg svært godt. I 1919 kjøpte han Furuheim saman med sonene, der dei bygde seg hus med atelier i andre etasje med utsikt mot Lomseggen.

Fra mitt livs KARUSELL av Kitty Wentzel
Dette skreiv Kitty Wentzel sjølv da boka vart utgjeven fyrste gongen på J.W. Cappelens forlag i 1960: Nå var jeg falt for aldersgrensen i journali-stikkens brokete verden. Jeg hadde på de forskjelligste måter prøvd å tjene til livets opphold – nå var tanken på en rolig alderdom et eller annet sted oppe i en stille fjellbygd mer og mer blitt livsens alvor for meg. Jeg var blitt bondekjerring og for lengst nådd støvets alder. Kanskje det kan holde liv i meg enda en stund hvis jeg bruker alle de stille timene til å skrive – om alt og om intet.

Fra mitt livs karusell er ei reise i tid og rom, frå Paris via Christiania, Kunstnerdalen i Asker og kunstmiljøet rundt mannen Gustav til Haukdalen i Lom. Femti år etter fyrste ugjevinga har vi i Haukdalen gjeve boka ut på nytt. Boka kan kjøpast  på bokahandelen i Lom eller den kan bestillast: Haukdalen, Aase Marstein, tlf. 61 21 27 46 aamarste@online.no  (direkte salg: kr. 300,- + frakt).